Компани: Сите бевме исплашени за Чурлинов, сега чувствуваме олеснување

Дарко Чурлинов го надмина најтешкиот период во животот и успеа да се врати на терените, па во изминатите седум дена ги одигра и првите два официјални натпревари од крајот на минатата сезона.

Македонскиот репрезентативец се врати во националниот тим и уживаше во минутажата која ја доби од селекторот Благоја Милвески против Украина и Ерменија, што за него е почеток на нешто убаво после кошмарот кој го преживеа.

Чурлинов доби сепса по крајот на сезоната и поради труење на крвта мораше да заврши на операција, па сега за неговата голгота се огласи и Венсан Компани кој го поздрави враќањето на Македонецот во првиот тим.

– Приказната на Дарко беше малку страшна, сите бевме исплашени за него. Беше навистина болен, изгледаше многу слабо и загуби многу тежина и многу мускулна маса.

– Сепак, благодарение на неговиот пристап и помошта од треманите, имаше доволно среќа да се врати доста брзо во тимот. Сите чувствуваме олеснување што тој повторно е со сите нас на тренинзите, – изјави менаџерот на Барнли пред првенствениот меч со Брентфорд во Премиер лигата.