Халанд призна дека му фали клупскиот фудбал: Ми беше многу здодевно за време на СП

Во неделата официјално заврши 22. Светско првенство на кое домаќин беше Катар, а титулата ја однесе селекцијата на Аргентина.

Ноември и декември беа резервирани за репрезентативен фудбал, ама не сите играчи особено големи ѕвезди имаа можност да бидат на СП и да ги бранат боите на својата држава. Еден од нив беше Ерлинг Халанд кој со својата Норвешка не избори пласман, па тој беше искрен и посочи дека му било здодевно за време на Мундијалот.

-Додека моите соиграчи беа отсутни, јас бев навистина заглавен. Понекогаш ми беше здодевно. Ама не е важно, времето лета. Нема да лажам, ми недостигаа шегите со соиграчите и славењето голови со нив, -пораа Халанд кој се покажа како топ засилување за „граѓаните“ во актуелнава кампања.

Ерлинг прва шанса за официјален настап на еден меч ќе има против Ливерпул во англискиот Лига Куп.