Пет кандидати: Кој може да го замени Хем на клупата на Лејкерс

Лос Анџелес Лејкерс иако не беше надигран доживеа елиминација од Денвер Нагетс во првата рунда на плејфот во западната конференција.

Нагетс е екипа која не им одговара на „езерџиите“ и тоа се потврди и годинава без разлика на тоа што Лејкерс водеше во најголемиот дел од натпреварите на крајот беше затворен со 4-1 во серијата, неуспех кој дефинитивно ќе донесе големи промени во славната франшиза од Калифорнија.

Веќе е повлечен првиот голем потег, отпуштен е тренерот Дарвин Хем кој во две години имаше учинок 90-74 и му донесе трофеј на тимот во НБА Купот, новото натпреварување.

Кој ќе биде неговиот наследник останува да видиме, а според медиумите пет имиња се во игра од кои најмногу тежи Мајк Баденхолцер.

Поранешниот тренер на Перо Антиќ во Атланта Хокс беше шампион со Милвоки Бакс во 2021 година и има учинок 484-317.

Во игра е и искусниот Тери Стотс со резултат 517-486, потоа Кени Еткинсон (118-190), поранешниот играч и сегашен предводник на ЛА Клиперс, Тајрон Лу и Џеј-Џеј Редик кој нема никакво тренерско искуство, ама е многу актуелен, активен со анализи, коментари на се што се случува во НБА лигата.