Ѓоковиќ: Има само еден факт, да не бев од Србија………

Новак Ѓоковиќ за многумина веќе е најдобар играч на сите времиња, но дел од новинарите почнаа да го споменуваат и во дебатата за еден од најголемите спортисти во историјата.

Србинот рано утрово стигна до 24-та грен слем титула во кариерата и се одлепи на плус два од Рафаел Надал на вечната листа, откако во големото финале на Ју-Ес Опен беше подобар од Данил Медведев.

Ноле го „спакува“ Русинот во три сета и по четврти пат славеше на Флешинг Медоус, па американските претставници на седмата сила му поставија директно прашање дали се смета за еден од најдобрите спортисти на сите времиња.

– Тоа го оставам за вас и дугите. Не знам дали сум, или не сум, не знам дали заслужувам да бидам дел од таа дискусија. Има само еден факт. Да не бев од Србија, одамна ќе бев воздигнат во небесата во спортско ниво, особено во западниот свет.

– Сепак, може и вака. Таков е мојот животен пат, исполнет со препреки. Јас сум задоволен што доаѓам од Србија и ваквите победи се уште послати што доаѓам од таква мала земја. За мене тоа е најважно, вие може да пишувате она што го мислите, – изјави Ѓоковиќ.