Феникс ја засили бековската линија со Вилијамс

Екипата на Феникс 2010 успеа да доведе уште едно ново име во своите редови, па така откако вчера објави дека го обезбедила Ерик Дејвис Џуниор денеска ја информираше јавноста дека постигнала договор со Џош Вилијамс.

Вилијамс има 25 години и ја покрива бековската линија. Тој беше дел од универзитетите Акрон и Роберт Морис, односно ова за него ќе биде прво интернационалцо искуство.

Во завршната сезона во НЦАА лигата имаше просек од 13.5 поени, 4.3 скока и 2.5 асистенции по натпревар, па во таборот на македнскиот прволигаш очекуваат тој да биде одлично засилување во преостанатиот дел од оваа кампања.

Феникс 2010 со 20 освоени бода се наоѓа на седмото место на прволигашката табела.