АТП
Федерер го избра најважниот удар во неговата кариера: Немаше да го освојам Ролан Гарос без тој форхенд (Видео)
Рожер Федерер е 20-кратен грен слем шампион и еден од најдобрите играчи во историјата на тенисот, па како човек со таков епитет, доби навистина интересно прашање во последното интервју кое го одработи за магазинот „Џи-Кју“.
Федерер повеќе од 20 години е во професионалниот тенис и успеа да ги освои и обедини сите титули на големите турнири (Австралија Опен, Ролан Гарос, Вимблдон и Ју-Ес Опен), но мора да се признае, дека убедливо најтешко му беше да го подигне пехарот во Франција.
Швајцарецот претрпе неколку болни порази во финалињата на Ролан Гарос од Рафаел Надал, но конечно успеа да го освои овој турнир во 2009-та година, откако Шпанецот претходно доживеа шокантен резултат и елиминација од Содерлинг. Федерер го победи токму Содерлинг во големото финале, но вели дека најважниот удар во кариерата го режирал неколку дена порано кога во четвртата рунда едвај го победи Томи Хас.
Германецот имаше водство од 2:0 во сетови и дочека шанса за брејк топка при резутлат 4:3 во третиот сет, по што следeше извонреден форхенд од Федерер, кој се покажа како најава за страшен пресврт. Рожер го посочи овој удар како најважен во неговата кариера, бидејќи подоцна ја освои титулата која единствено му недостасуваше.
– Многу добро прашање и многу тешко. Сепак, мислам дека форхендот против Томи Хас на Френч Опен. Губев 2-0 и брејк топка за Томи. Постојано зборуваме за тоа секогаш кога ќе се видиме. На крајот го добив тој меч и го освоив Ролан Гарос. Тогаш го израмнив рекордот на Сампрас од 14 грен слем титули. Ако не го погодев тој форхенд, најверојатно ќе загубев и немаше да го освојам Ролан Гарос. Се молев да го погодам тој удар и потоа се смени целиот моментум. После тоа, имав извонредно лето. Изгледа така требаше да биде, – вели Федерер.
-
Англијапред 17 часа
Тен Хаг отворено ги именуваше двете ѕвезди кои не му ги донесе Јунајтед: Со еден од нив ќе игравме како Ајакс
-
Репрезентацијапред 17 часа
Лазаров: Секој што разбира ракомет, знае каков ривал имаме пред себе
-
Италијапред 16 часа
Ибрахимовиќ образложи зошто нема баш добар однос со својот татко: Мора да го разберете Балканот….. (Видео)
-
Италијапред 6 часа
Касано распали и по Инѕаги: Го освои Скудетото, но треба да биде обвинет за неуспех!
-
АТПпред 19 часа
Алкарас ја пропушта последната вистинска подготовка за Ролан Гарос: Неопходно е да одморам (Фото)
-
Италијапред 18 часа
Кјелини: Роналдо сакаше да покаже дека е посилен од цел Реал Мадрид
-
Англијапред 20 часа
Клоп за Салах: Ќе беше проблем ако не се познававме толку добро
-
Германијапред 21 час
Крај на една романтична приказна: Ројс си оди од Борусија на крајот од сезоната (Видео)