Димитријевиќ и Валенсија не дозволија изненадување во „Ла Фонтета“ (ВИДЕО)

Валенсија на нашиот репрезентативец Ненад Димитријевиќ имаше победнички крај на домашен терен на основниот дел во АЦБ лигата.

Ова за Валенсија во „Ла Фонтета“ беше 12. славје на 17 натпревар, односно нивна жртва беше составот на Сан Пабло Бургос кој беше совладан со 14 разлика (84-70). Домаќините беа подобри во три од четирите четвртини со тоа што клучната предноста беше направена во третиот период кој заврши со 22-9.

Лабери со 13 поени беше прв стрелец, додека пак Нено за 14 минути на паркетот даде 9 кошеви со 1 асистенција. Кај поразените Ренфро беше автор на 16 поени.

Активен беше уште еден македонски репрезентативец во Шпанија, центарот Џејкоб Вајли кој беше извонреден против неговиот поранешен клуб Гран Канарија со 14 поени и 9 скока за 18 минути на паркетот.

Инаку Бетис го доби дуелот со 93-76.