Дабл-дабл партија на Мекиќ во дресот на Задар

Адем Мекиќ и неговите соиграчи од Задар забележаа уште една победа во хрватскиот шампионат, победа број 16. во 17. првенствен меч.

Лидерот на табелата лесно се справи со составот на Боско кого го суреди со 105:64. Домаќините рутински го одработија овој предизвик во кој ги добија сите четири четвртини.

Еден од најдобрите на паркетот беше токму македонскиот репрезентатвец Мекиќ кој забележа дабл-дабл од 18 поени и 11 скока, плус имаше 2 асистенции и 5 украдени топки. Кршеван со 23 поени беше прв стрелец кај Задар, додека Марат со 17 кошеви беше прво име кај поразените.

Во наредното коло Задар игра дерби меч и тоа против Сплит на негов терен.