Бруно одбил да го продолжи договорот со Јунајтед поради актуелниот статус на платниот список

По пристигнувањето на „Олд Трафорд“, Бруно Фернандеш стана еден од најважните фудбалери на Манчестер Јунајтед и играч кој ретко пропушта натпревар, а притоа зад себе има импресивна статистика во однос на асистенциите и головите.

Но, Бруно не котира високо на платниот список на англискиот великан, нешто што кај него веќе создало незадоволство и поради што одбил продолжување на договорот.

Бруно заработува околу 100.000 фунти неделно, за разлика од сонародникот Кристијано Роналдо кој има повеќе од три пати поголема плата во Јунајтед, а во ваква позиција е и Давид де Хеа.

Двојно поголема плата од Фернандеш имаат Марсијал, Кавани и Погба, а поголема плата добиваат и Рашфорд, Шоу и Мегваер.

Иако ситуацијата не е алармантна поради актуелниот договор кој истекува во 2025 година, Манчестер Јунајтед ќе мора да испорача подобра понуда ако сака да си гарантира задржување на Фернандеш на подолг рок.