Артета објаснил зошто судијата бил во право што не досудил пенал за Баерн по бизарната грешка на Габриел

Арсенал утре ќе ја пречека Астон Вила во еден од најинтересните натпревари од новото коло во Премиер лигата, а „топчиите“ мора да размислуваат само за победа, во обидот да ја задржат позицијата од која би продолжиле да бидат сериозни конкуренти за титулата.

Микел Артета е концентриран на ривалот од Бирмингем, но не заборава дека во среда неговиот тим ќе патува во Минхен и ќе води битка за полуфинале во Лигата на шампионите.

На прес-конференцијата, шпанскиот стручњак бил потсетен и на контроверзниот момент од првата средба, на која Габриел ја фати топката со рака, иако голманот Раја веќе го изведе гол-аут ударот по судискиот сигнал.

– Ја забележав ситуацијата, посебно по реакциите од страна на противничкиот табор.

– Мислам дека судијата ги почитуваше правилата. Правилото вели дека во вакви ситуации треба да се користи разумот и да се утврди дали екипата со потегот добила некаква предност во однос на ривалот. Во случајов, ние не добивме никаква корист од тој потег, – вели Артета.

Габриел направи почетничка грешка, судијата го помилува и не досуди пенал за Баерн (Видео)