Виртус Болоња го освои Еврокупот и обезбеди билет за Евролигата (ВИДЕО)

Италијанскиот прволигаш Виртус Болоња е победник на овогодинешното издание на Еврокупот и тоа откако во завршниот меч славеше над Бурсаспор со 80-67.

Избраниците на Скариоло имаа одлично отварање на натпреварот и првиот период го добија со 25-12, па водени од тоа имаа контрола на играта, резултатот, плус ветар во грб им беа навивачите и заслужено издвојуваа триумф кој наредната кампања ги води во најсилното натпреварување на стариот континет Евролигата.

Играч број еден беше Теодосиќ со 21 поен, 1 скок, 3 асистенции што беше доволно да го понесе признанието МВП. Добра поддршка беа Жиате и Вимс со по 13 кошеви, додека кај поразените Дуџински уфрли 14 кошеви.