Пикси ќе ја води Србија најмалку уште две години: Стојковиќ оствари историски успех

Најавите на српските медиуми ова попладне и официјално се остварија, откако фудбалскиот сојуз во оваа земја потврди дека Драган Стојковиќ добил доверба да ја води репрезентацијата и во наредните две години.

Популарниот Пикси ќе го води српскиот тим најмалку до 2026-та година, без разлика каков резултат ќе оставри селекцијата на претстојното Европско првенство кое се игра во Германија.

– Како селектор на А репрезентацијата на Србија, Драган Стојовиќ овозможи за првпат во историјата да врземе учества на две големи натпреварувања во низа, Светското првенство во Катар и Европското првенство во Германија. Покрај тоа, оствари успех и во Лигата на нации со пласман во елитен ранг.

– Поради тоа, доби доверба од раководството на нашата организација да проодлжи со работата и после Европското првенство кое следи. Зачувување на континуитетот е еден од клучните фактори во остварување на позитивни резултати.

– Продолжениот договор со селекторот е во склад со желбите и амбициите на сите во Фудбалскиот сојуз на Србија, со надеж дека успесите ќе продолжат и на претстојното Европско првенство. Одлуката ќе биде официјално усвоена на состанокот кој ќе го има извршниот одбор на 27-ми мај (понеделник), – гласи соопштението.