Нагелсман ја реши голманската дилема за ЕП, но тоа му донесе лоша среќа на Нојер (Фото)

Мануел Нојер денеска беше потврден како прв голман од Јулијан Нагелсман за Европското првенство кое ќе се игра на германско тло, но само неколку часа подоцна, капитенот заработи повреда и морал да го напушти репрезентативниот камп.

Оваа вест првично ја пренесе угледниот „Билд“, а Баерн како клуб се јави со официјално соопштение и само потврди дека голманот скинал мускулно влакно и ќе мора да се врати во Минхен.

Според најавите, Нојер ќе мора да направи нови испитувања за да се означи колку точно ќе мора да паузира, а фановите на Баерн посебно стравуваат бидејќи на почетокот на месец април се игра четвртфиналето во Лигата на шампионите против Арсенал.

Во официјалното соопштение на баварците не се открива колку точно ќе паузира Нојер, па за очекување е повеќе информации за да има во наредните неколку дена.

Паралелно со оваа вест, Баерн информираше дека е повреден и десниот бек Саша Бои, а тој ќе паузира околу шест недели.

ℹ️ Manuel Neuer will miss the upcoming international matches due to an adductor strain. FC Bayern's captain will leave the Germany camp to return to Munich.

Find all the details here ⬇️

Get well soon, @Manuel_Neuer ❤️

— FC Bayern Munich (@FCBayernEN) March 20, 2024