Металург подобар од Тинекс Пролет, фаворитот убедлив во Битола

Ракометарите на Металург имаа комплицирана недела во која најавија штрајк, па им се вратија на клупските обврски, а денеска го совладаа скопскиот ривал Тинекс Пролет со 29:31.

Составот од „Автокоманда“ на полувреме водеше со 13:16, а задржа најголем дел од предноста и во продолжението, при што Хорват со 12 голови бил најефикасен на теренот.

Во „братската“ пресметка меѓу Еурофарм Пелистер 2 и Еурофарм Пелистер очекувано славеше фаворитот со 20:38, со што денешните „гости“ остануваат со ист број бодови со Вардар, кој утре ќе има рутинска задача против Скопје.

Струга го победи Радовиш на домашен терен со 24:20, додека Бутел оствари важен триумф на гостувањето кај РК Прилеп со резултат 23:26. Мајиќ со 7 и Јевтиќ со 6 голови биле најефикасни кај гостите од Скопје кои се зацврстија на третото место на табелата.

Табела: Еурофарм П 33, Вардар 30 (-1), Бутел 27, Еурофарм 2 24, Тиквеш 21, Тинекс Пролет 21