Медведев и покажуваше среден прст на публиката во Париз: Само си ги гледав ноктите (Видео)

Данил Медведев денеска го заврши настапот на Мастерсот во Париз и тоа по поразот од Григор Димитров во три сета.

Русинот влезе како фаворит и трет носител на турнирот во овој меч, но Димитров уште еднаш ја потврди одличната форма, истовремено користејќи го конфликтот на нервозниот Медведев со публиката на трибините.

Медведев во еден момент дури и не сакаше да го продолжи мечот поради однесувањето на домашните фанови, а по поразот реши да им посвети среден прст на присутните во „Берси“.

Руската ѕвезда покажуваше среден прст во стилот на Мистер Бин, а по мечот тврдел дека неговиот потег бил „погрешно разбран“.

– Јас да покажувам среден прст? Не, тоа е лага.

– Си ги гледав ноктите, зошто би и направил такво нешто на предобрата париска публика, – рекол Медведев.

C’est mythique pic.twitter.com/XrKsySFLmb

— Hanma (@Mister_S87) November 1, 2023