Упорниот Вардар не успеа да направи сензација, но скапо ја „продаде“ кожата

Екипата на Вардар одигра храбар натпревар на гостувањето во Германија кај Кил каде загуби со 32:30.

Избраниците на Веселин Вујовиќ имаа лош старт и на двете полувремиња и можеби тоа ги чинеше позитивен резултат на екстра тешкото гостување кај Кил.

Вардарци со овој пораз остануваат на шестото место на табелата, па следниот натпревар против ППД Загреб ќе биде од исклучителна важност за тоа дали ќе се пласираат во елиминационата фаза.

Што се однесува до натпреварот, Анте Кудуз одигра врвна партија на која постигна девет погодоци од исто толку обиди и без сомнеж ова е најдобриот негов настап во дресот на Вардарци.

Жереми Тото застана на пет погодоци, додека уште еднаш солиден меѓу стативите беше Мартин Томовски со 11 успешни интервенции.