Лига на шампиони
Ревија од евроголови и фудбалски спектакли во ЛШ, полуфиналистите ќе се дознаат во Манчестер и Минхен (Видео)
Првите две четвртфинални пресметки во Лигата на шампионите беа како фудбалски празник за големите фанови, бидејќи во Мадрид и Лондон видовме дури десет гола во воведните натпревари меѓу европски великани.
Реал Мадрид и Манчестер Сити ремизираа 3:3 во вистински спектакл на „Сантијаго Бернабеу“, но ништо полошо не беше и на „Емирејтс“ каде се играше отворен и динамичен фудбал.
Арсенал и Баерн Минхен дадоа по два гола и оставија се за реваншот во Минхен кој се игра наредната седмица, а истото важи и за „кралевите“ и „граѓаните“.
Дербито на вечерта во ЛШ започна со чуден гол на Бернардо Силва кој го фати Лунин на спиење, но Реал Мадрид експресно одговори и со два брзи гола на Дијаш (автогол) и Родриго направи целосен пресврт. Со резутлатот 2:1 се отиде на полувреме и Сити не можеше да пронајде пат до голот на домашниот тим, па тоа го натера Пеп да го „умртви“ темпото во вториот дел.
Тоа беше еден вид на коцкање бидејќи Белингам и Винисиус пропуштија убави шанси за 3:1, по што дојде моментумот на гостите кои постигнаа два еврогола за нов пресврт.
Фоден и Гвардиол постигнаа извонредни голови во мрежата на Лунин за 2:3, но Реал не се откажа и Валверде возврати со ремек-дело за конечни 3:3 и најава за нов спектакл во Манчестер.
На вториот меч, Арсенал поведе со голот на Сака и ја искористи почетната иницијатива, но потоа направи две големи грешки во одбрана и му дозволи на Баерн да постигне два гола. Гнабри и Кејн се погрижија за пресврт до крајот на првиот дел, додека Тросар се погрижи за реми со гол за 2:2 во 76-та минута.
-
НБАпред 4 часа
Брансон како Џордан и Леброн, познато е првото полуфинале на Истокот (ВИДЕО)
-
НБАпред 17 часа
Баркли за неуспехот на Лејкерс и Феникс: Има само една причина за тоа
-
Италијапред 18 часа
Ибрахимовиќ за големата загуба: Последен пат плачев по неговата смрт
-
Англијапред 24 часа
Опции за Португалецот: Пет клубa во кои Фернандеш може да направи трансфер ова лето
-
НБАпред 21 час
НБА Топ 5: Шоу на Дончиќ и Ирвинг против Клиперс (ВИДЕО)
-
НБАпред 17 часа
Газдите на Филаделфија купиле билети за да спречат присуство на фанови на Њујорк на шестиот дуел од серијата
-
Англијапред 18 часа
Невил за „траумите“ од тренерското искуство во Ла Лига: Тој не сакаше ни да се ракува со мене
-
Францијапред 19 часа
Фудбалер на ПСЖ заработил сериозна повреда, ќе го пропушти и ЕП во Германија