Партизан најдобар на меѓународниот турнир „Драган Василов – Цевка“.

Екипата на Партизан е победник на третото издание на меѓународниот турнир „Драган Василов – Цевка“ кој се одигра Скопје.

„Црно-белите“ во завршниот меч беа подобри од Минор 2015 од Бугарија со 81:56.

Во борбата за трето место меѓу екипите на Клуж Напока и Интер Братислава, победи тимот од Словачка со резултат (67:63).

Петтото место му припадна на тимот од нишки Тријумф кој беше подобар во дуелот со скопски Вардар (76:41), a во борбата за 7.место, екапата на играчи родени 2009 година (и помлади) од МЗТ Скопје Аеродром победи со резултат од (67:53) против тимот на All Star од Подгорица.

За најдобар стрелец на турнирот беше прогласен Иво Валентинов од тимот на Минор 2015 Перник, додека пак МВП наградата, за најдобар играч на турнирот ја понесе Лука Павловиќ од тимот на Партизан.

Од Општината Аеродром потврдија дека овој турнир останува да биде во програмата на општината и како традиционален секоја година ќе се реализира во заедничка организација со Кошаркарската федерација на Македонија и Олимпискиот комитет.