Њукасл почнал преговори со Барселона за Кутињо, се преговара и со играч на Ливерпул

Медиумите во Англија и Шпанија пишуваат дека тимот на Њукасл веќе почнал преговори со две можни засичувања на клубот.

Станува збор за одлични фудбалери кои со сигурност ќе го кренат нивото на клубот кој се очекува да се вивне во врвот откако беше преземен од богат Саудиец.

„Мундо Депортиво“ пренесува дека од таборот на Њукасл започнале преговори со Барселона за услугите на Фелипе Кутињо.

Њукасл ќе има над 300 милиони фунти за трошење во летниот преоден рок, па ќе може да ги засили своите редови со звучни имиња, а Кутињо е меѓу приоритетите на клубот.

„Дејли Мејл“ пак пишува дека од Њукасл преговараат и со Ливерпул за трансферот на Џердан Шаќири.

„Црвените“ се подготвени да го пуштат швајцарскиот репрезентативец да си оди, а според медиумот и Шаќири не би имал ништо против да потпише со тимот кој допрва треба да се изгради и прерасне во моќен премиерлигаш.