Поврзете се со нас

АТП

Ѓоковиќ брзо го „спакува“ францускиот предизвикувач на стартот во Рим

Објавено

на

Foto:twitter.com/InteBNLdItalia

Корентан Муте влезе како „среќен губитник“ на главниот турнир во Рим и се закани дека ќе оствари победа против светскиот рекет број еден, но Французинот можеше да парира само на почетокот кога Новак Ѓоковиќ не беше на свое ниво.

Ноле му дозволи на Муте да поведе со 3:1 и да се понадева на најголема победа во кариерата, но тоа брзо пропадна во вода, бидејќи Србинот навреме реагираше и се врати со страшна серија.

По негативата од 1:3, Новак освои седум гејма по ред и дојде до предност од 6:3 и 2:0, па иако Муте го освои следниот гејм, тоа беше се што направи до крајот.

Ѓоковиќ со нова серија од 4:0 стигна до преубедливи 6:1 и стави крај на неизвесноста, па доста лесно го „спакува“ противникот кој се закануваше дека ќе му ја расипе забавата.

Лесна задача треба да има Ѓоковиќ и во третата рунда на Мастерсот во Рим, бидејќи негов ривал ќе биде Алехандро Табило.

Реклама
Реклама
Реклама

Популарни