Миовски: Требаше порано да го затвориме натпреварот

Македонската фудбалска репрезентација ремизираше со Молдавија, на пријателскиот натпревар кој денеска се одигра во Анталија, а стрелец на единствениот гол за нашата селекција беше Бојан Миовски.

Напаѓачот на Абердин донесе водство пред крајот на полувремето, но по неколку неискористени обиди на избраниците на Благоја Милевски, противникот израмни во завршницата за конечни 1:1. Миовски смета дека Македонија пропушти можност порано да си ја обезбеди победата.

– Добро го почнавме првото полувреме и имавме контрола, но теренот не дозволи да создадеме повеќе шанси. Во второто полувреме, загубивме доста дуели и на крајот тоа беше причина за тоа што примивме гол.

– Мислам дека резултатот е реален, имавме неколку шанси околу 60. минута, кога можевме да го затвориме натпреварот, за жал примивме гол, но одиме понатаму. Ова се пријателски мечеви и важно е да се воигруваме, а сега ќе размислуваме за мечот со Црна Гора“, вели Миовски.

Македонија ќе го игра дуелот со Црна Гора исто така во Анталија и тоа на 25. март.

Молдавија со атрактивен гол спречи победа на Македонија во Анталија (Видео)