Молдавија со атрактивен гол спречи победа на Македонија во Анталија (Видео)

Македонската фудбалска федерација водеше на полувреме, но не успеа да ја задржи предноста до самиот крај и одигра со нерешени 1:1 на пријателскиот натпревар со Молдавија.

Двете репрезентации го искористија соочувањето во Анталија како загревање за идните обврски во квалификациите, а избраниците на Благоја Милевски оставија подобар впечаток во првиот дел.

Истиот заврши со позитивен резултат откако ударот на Енис Барди донесе одбиена топка од противничкиот голман и рутинска завршница на Бојан Миовски.

Молдавците во продолжението играа поактивно обидувајќи се да израмнат, а тоа им успеа во 82. минута, кога резервистот Дамаскан погоди со ножички и на атрактивен начин ги постави конечните 1:1.

По три дена, Македонија на истата локација ќе игра пријателски натпревар и со Црна Гора.

Голот на Молдавија може да го видите на следниот ЛИНК