Мејведер не го победи јутјуберот Пол, едно видео од Мајами посебно ги изнасмеа фановите

Флојд Мејведер не успеа да го победи познатиот јутјубер Логан Пол во фамозната и толку најавувана борба, која на крајот заврши без победник и со нерешен исход откако аматерот успеа да му одолее на големиот шампион.

Мејведер изгледаше како човек кој има обичен тренинг во текот на сите осум рунди и повеќе се грижеше да го одржи противникот што подолго во рингот, а идејата всушност и му успеа бидејќи јутјуберот остана на нозе и покрај тоа што доби неколку удари.

Floyd Mayweather actually knocked out Logan Paul, but held him up during the fight to carry it through 8 rounds 👀 pic.twitter.com/ngVkmQbmMS

— Geekology ⤴️ (@academic_dud) June 7, 2021

Бокс егзибицијата во Мајами донесе доста негативни реакции поради фактот што беше очигледно дека парите и шоуто се ставени на прво место пред борбата, бидејќи во една ситуација, добро се забележа како Мејведер го нокаутираше Логан, а потоа го додржа да не падне со своите раце.

Мејведер заработи огромна сума на пари со оваа борба, но според многумина, тој ја губи својата репутација и професионалност со вакви случувања кои се организираат само за забава и шоу.

Борбата беше навистина многу коментираната на социјалните мрежи, а убедливо најурнебесно е едно видео во кое Мејведер едноставно се одбрани од серија на удари на Логан која нема ништо заедничко со професионалниот бокс и техниката на овој спорт.

This is how the Floyd Mayweather Vs Logan Paul fight went 🤣 #MayweatherPaul #paulmayweather pic.twitter.com/XPoNpN4WGH

— World Sports ⑦ (@WorldSports__) June 7, 2021