Маркез нема да вози на претстојната трка во Португалија

Марк Маркез забележа значително подобрување и победи на последните две трки во Остин и Мизано, но осумкратниот шампион сега ќе ја пропушти претпоследната трка во тековната сезона во Мото ГП.

Шпанецот нема да биде дел од возбудувањата на Алгарве патеката во Португалија, откако Хонда информираше дека Марк имал незгода во подготовките за претстојната трка.

Јапонскиот тим информира дека не станува збор за повреда на раката, туку за потрес на мозокот поради кој лекарските лица одлучиле дека нема никаков простор за ризик, особено во ситуација кога резултатот од трката нема никакво значење за тимот, но и за самиот Маркез.

Марк претрпел пад на еден тренинг на почетокот на оваа седмица, но по направените лекарските прегледи, одредена му е пауза како мерка на претпазливост.

Маркез во тековната сезона се радуваше на три победи во шампионатот, па за верување е дека четвртата ќе ја нападне на последната трка во Валенсија.