Англија
Легендарниот Хаман стравува за Клоп: Гледам знаци кои не сум ги видел пет години
Ливерпул има разочарувачки старт на сезоната и веќе заостанува 14 и 13 бода зад Арсенал и Манчестер Сити, факт кој направи Јирген Клоп многу рано да се откажа од битката за титулата во Премиер лигата.
Последниот пораз на гостувањето во Северен Лондон кај Арсенал ни даде само уште една потврда дека оркестарот на Јирген Клоп е навистина раштиман и не изгледа ниту одблиску добро како минатата сезона, па иако до овој момент Германецот ниту еднаш не е доведен во прашање, Диди Хаман смета дека тоа може да се промени набрзо.
Легендарниот играч за врска на Ливерпул вели дека почнува да гледа први знаци на крај на една ера на „Енфилд Роуд“, а тоа го посочи со издвојување моменти од последниот меч со Арсенал.
– Се уште не е дојдено до тоа, но ако продолжат овие резултати, ќе почнат и дискусии за иднината на тренерот. Да бидам искрен, не верувам дека сме многу далеку од тоа. Клоп и натаму вели дека тој е вистинскиот човек за овој тим на Ливерпул, но веќе гледам први знаци за почеток на крајот.
– Начинот на кој Хендерсон го напушти теренот и ја извади лентата не ми се допадна. Неговото одмавнување со глава е и сигнал за незадоволство кон тренерот. Такво нешто немам видено во Ливерпул пет години. Можеби се сработи за мали знаци, но ако оваа динамика продолжи и резултатите не дојдат, тренерот ќе биде под голем притисок. Тешко е да се зборува за крај на една ера. Не би ги отпишал комплетно, но мојата имагинација но ми дозволува да видам од каде ќе дојде искрата во тимот во следните неколку недели, – вели Хаман за „Ток Спорт“.
-
НБАпред 7 часа
Брансон како Џордан и Леброн, познато е првото полуфинале на Истокот (ВИДЕО)
-
НБАпред 20 часа
Баркли за неуспехот на Лејкерс и Феникс: Има само една причина за тоа
-
Италијапред 21 час
Ибрахимовиќ за големата загуба: Последен пат плачев по неговата смрт
-
НБАпред 21 час
Газдите на Филаделфија купиле билети за да спречат присуство на фанови на Њујорк на шестиот дуел од серијата
-
Англијапред 21 час
Невил за „траумите“ од тренерското искуство во Ла Лига: Тој не сакаше ни да се ракува со мене
-
Англијапред 19 часа
Сунес со жесток напад на сметка на Салах: Најсебичен фудбалер кој сум го видел
-
Шпанијапред 6 часа
Левандовски: Барселона е најголемиот клуб на светот, горд сум…
-
Англијапред 9 часа
Покетино испрати загрижувачка порака за својата иднина по победата над Тотенхем