Поврзете се со нас

Македонија

Кадетите на Голден Арт го освоија турнирот „Карпош 2022“

Објавено

на

„Голден Арт“ ја продолжува низата на освојување турнири во младинските категории, со што на  најдобар начин ја реализира замислата за создавање нови македонски ракометари.
На турнирот во Куманово, по повод националниот празник „11 октомври“, генерација 2006/07 на „Голден Арт“ го освои првото место во конкуренција на домаќинот МРК Куманово, Рисови и Македонија ЃП.
Во полуфиналето Голден Арт го совладаа тимот на Рисови, по изведување на пенали откако во регуларниот дел резултатот беше 22:22 (12:8).
Во финалето победувајќи го домаќинот МРК Куманово со резултат 27:26 (13:13), кадетите на тимот од скопската општина Аеродром стигнаа до триумф на турнирот.
Покрај трофејот за освоено прво место на турнирот “КАРПОШ 2022” во Куманово, Голден Арт освои уште едно признание. Марко Каракалашев од редовите на освојувачот на првото место, беше прогласен за најдобар играч на турнирот.
Во соопштението на клубот се истакнува уште еден момент кој треба да биде посочен како непотребен на ваков ревијален турнир.
– Иако денешниот турнир требаше да биде празник на спортот и младите, за жал, мотивирани од желбата за победа против поквалитетен противник, домаќините, пред очите на децата кои играа и беа на трибините во Куманово, се служеа со крајно недозволиви средства за да стигнат до зацртаната цел. Фрлање шишиња по нашите млади ракометари, напади врз истите, скандалозно судење. Слика која не треба да се гледа на нашите терени,- стои во дописот до медиумите.
Реклама
Реклама
Реклама

Популарни