Јурановиќ по болниот пораз на Хрватска: Мораме да се погледнеме во огледало, заборавивме…

Репрезентацијата на Хрватска загуби од Велс од 2-1 што беше втор пораз за овој национален тим во рок од неколку дена, пораз со кој се стави во тешка ситуација за завршницата од квалификациите за Европското првенство.

Хрватите во овој момент немаат ништо во свои раце, поточно ќе мораат да чекаат кикс на Велс во последните две рунди и со тоа да дојдат до билет за шампионатот кој во 2024 година се игра во Германија.

Ова никој не го очекуваше во таборот на „коцкестите“, па дефанзивецот Јосип Јурановиќ порача дека е време да се погледнат во огледало, поточно успесите од последните години ги натерало да заборават колку е тешко да се пласираш на еден голем фудбалски настан.

-Разочарување. Сè што можевме да направиме погрешно, направивме за време на овој собир. Мора да се погледнеме во огледало, да размислиме што сме направиле за себе и за цела Хрватска. По одличните резултати заборавивме како е да се квалификуваш. Мораме да бидеме поподготвени за следниот собир и да се надеваме дека противниците ќе кикснат.

-Повредите се изговори. Сега не функционирваме, бевме јалови, сите тоа го видоа. Мора да им се извиниме на сите. Да, во петтата минута го почувствував болка во листот. Дојдов до полувремето. Сега ќе видиме што ќе се случи. Ја сфативме ситуацијата лесно. Мора добро да размислиме што сме направиле, -порача членот на Унион Берлин.

Велс во последните две кола игра со Ерменија и Турција, додека пак Хрватска има гостување кај Летонија и дуел со Ерменците пред своите гледачи.

Далиќ го пронајде виновникот за големиот шок кој го претрпе Хрватска