Ивановски напредуваше пет позиции на најновата АТП листа

Калин Ивановски забележа напредок на најновата топ листа која ја објави Асоцијацијата на тениски професионалци (АТП).

Најдобриот македонски рекет има 92 поени зад своето име, а тоа му го донесе 458 место на светот или поточно имаше скок од пет позиции. Ова за него е само едно место пониско од најдобриот пласман во кариерата кој го имаше на почетокот на овој месец.

Далеку зад Калин се останатите македонски тенисери за кои има место на ранкинот, поточно од 1126 место, па натаму се Обрад Марковски, Горазд Србљак, Берк Бугариќ, Томислав Јотовски и Стефан Мицов.

На врвот останува пак Новак Ѓоковиќ со 7,240 бодови пред Алкараз, Руд, Медведев и Циципас кој се лизна за две позиции, ама остана во најдобрата петка.