Ѓоковиќ загуби поен во бизарни околности, па бараше објаснување од судијата (Видео)

Новак Ѓоковиќ призна дека е далеку од посакуваното ниво и не криеше дека е разочаран од својата игра по поразот од Лука Арналди на Мастерсот во Индијан Велс, а работите за светскиот рекет не беа идеални дури и во ситуација кога беше во посакуван ритам на стартот на вториот сет.

Од овој дел од мечот пристигна најбизарната ситуација, бидејќи аутсајдерот од Италија направи рибрејк на брејкот кој го направи Ноле, и тоа со поен кој не се гледа често на терените.

Ноле отсервира втор сервис и првиот впечаток беше дека топчето е во аут, но откако никој не се огласи, поенот продолжи и на крајот истиот му припадна на Арналди.

Италијанецот во еден момент подзастана и со тоа го збуни светскиот рекет број еден, кој во продолжение се бунеше и бараше од главниот судија да му објасни зошто не го прекинал поенот.

Новак не го доби тоа што го сакаше и мораше да се помири дека го загуби својот сервис, па иако во продолжение излезе како победник во вториот сет, на крајот загуби од Арналди и режираше еден од најслабите почетоци на една сезона во својата играчка кариера.

View this post on Instagram

A post shared by Sport Klub (@sport.klub)