Ѕвезда на калчолигаш го одбила Спалети: Моето срце ја избра Аргентина

Италијанскиот селектор Лучијано Спалети имал намера да го повтори случајот „Ретеги“ и да натурализира уште еден аргентински фудбалер, овозможувајќи му настап во редовите на „азурите“, но за разлика од Роберто Манчини, добил негативен одговор од самиот фудбалер.

Се работи за Матијас Суле, крилниот напаѓач кој сезонава блеска во дресот на Фрозиноне и кој со своите настапи го потврди својот голем потенцијал, привлекувајќи го вниманието и на новиот италијански селектор.

Долго се шпекулираше дека Суле е мета на Италијанците, а тоа сега го потврдил и самиот играч.

– Зборував со Спалети и му ја кажав вистината.

– Му заблагодарив на понудата, но му потенцирав дека се чувствувам како Аргентинец. Моето срце секогаш ми говорело да играм за Аргентина, – изјавил Суле, кој во Италија е доведен од Јувентус, кој пак сезонава го испрати на заем во редовите на Фрозиноне.

Суле сезонава веќе постигна 5 гола и има една асистенција.

Matias Soulé – 23/24 So Far pic.twitter.com/7ECo8MWHM4

— ＊ (@jaraaxz) October 31, 2023