Алкарас: Сакам да бидам прв, но и Ѓоковиќ се прашува

Карлос Алкарас е еден од најдобрите млади тенисер на светот, ас кој постојано е гладен за титули, амбициозен и сака одново да дојде до првото место на АТП листата кое во моментов го држи Новак Ѓоковиќ.

Пред Шпанецот е настапот на Мастерсот во Париз каде се надева на значаен резултат и покрај тоа што имаше проблеми со повреда во претходниов период.

-Се чувствувам подобро. Очигледно, имав неколку недели да го опоравам моето тело. Се повредив на Мастерсот во Шангај, но деновите за одмор многу ми помогнаа. Сè уште не сум 100 отсто подготвен, но сум блиску. Имав квалитетни тренинзи соЃоковиќ и Руд. Со Ѓоковиќ се работеше со полн интензитет. Мислам дека веќе трениравме заедно во Мадрид и на Ролан Гарос. Ова ни е трет или четврти пат да работиме заедно. Не се плашам дека Новак ќе се навикне на мојата игра, веќе одигравме четири меча, па добро се познаваме.

-Секако, целта ми е првото место на АТП листата на крајот на годината. Работам да бидам уште подобар играч, но секако се прашува и Ѓоковиќ, -истакна Карлос кој се надева дека се ќе биде во ред и ќе игра на завршниот турнир во Торино.

-Навистина ми беше тешко, но возбуден сум што ќе играм на завршниот турнир годинава, -заклучи Шпанецот.