Агуеро излезе со свој тип за дербито меѓу Реал и Сити и уплати 10 илјади долари (Фото)

Серхио Агуеро беше еден од најсреќните луѓе во светот кога Манчестер Сити го елиминираше Реал Мадрид во полуфиналето пред една година, особено поради горчината која ја доживеа една година претходно.

Аргентинецот стана вирален хит со своите реакции на нестварниот пресврт кој го направи Реал во 2022-ра година на патот до трофејот во најелитното натпреварување, а судбината посака овие два ривали да се сретнат и трета година по ред.

Овојпат ќе играат во најрана фаза и Реал вечерва ќе биде домаќин на „Сантијаго Бернабеу“, а на неколку часа пред пресметката, Кун Агуеро откри дека се обложил на овој натпревар.

Поранешниот аргентински напаѓач не типува со фикс и не сака да прогнозира кој ќе ја однесе победата, но затоа очекува да бидат постигнати барем три гола во Мадрид.

Доколку тоа се оствари, Агуеро за уплатени 10 илјади, ќе инкасира 18,900 долари.

🗞🗞🗞

⏺ Sergio Aguero parie 10 000 $ sur le match de ce soir au Bernabeu et pense qu'il y aura plus de deux buts dans le match. pic.twitter.com/Pw89fgo8eh

— Damase Joseph 🇭🇹 (@joseph_damase) April 9, 2024