Вардар сигурен против вториот тим на Еурофарм Пелистер

Ракометарите на Вардар 1961 издвојува победа над Еурофарм Пелистер 2 во првиот меч од денешната програма во плејофот во Суперлигата.

„Црвено-црните“ се изборија за триумф од 25-22 во средба во која гостите дадоа се од себе, максимално се бореа низ сите 60 минути, односно скапо ја продадоа својата кожа во Скопје.

Домаќинот имаше предност од еден гол на паузата (13-12), додека вториот дел го заврши со 12-10.

Ова за вардарци беше десетти триумф во единасеттиот меч во оваа фаза, наејфикасен беше Талески со 7 гола. Кај поразените листата на стрелци ја предводеше Петровиќ со 5 погодоци.