Вардар ги започна подготовките, клубот има нова акција (ФОТО)

Екипата на Вардар ги „запали моторите“, ги започна подготовките за новата сезона во која клубот ќе игра каде што припаѓа во најсилната домашна фудбалска конкуренција.

„Црвено-црните“ се појавија на Националната арена „Тодор Проески“ од каде беше испратена порака за новата акција со која ќе бидат обезбебедени дополнителни средства за тимот.

Се работи за сезонски билет кој ќе чини 1000 денари, билет кој ќе овозможи да се испратат сите домашни натпревари на Вардар. Сите собрани финансиски средства, ќе бидат наменети за функционирањето на клубот кој со помош на навивачката група „Комити“ се обидува вистински да застане на нозе.