ТФТ парираше само едно полувреме и брзо го заврши европскиот сон

Сонот нарече Лигата на шампиони завршува за ТФТ во квалификациите, откако македонскиот претставник не успеа да парира онака како што посакува поради фаворизираниот ривал кој допатува во Скопје.

Кемниц умешно го искористи извонредното отворање на мечот и во првите две четвртини создаде убедлива предност за мирно второ полувреме, позитива од 18 поени која се покажа како доволна за убедлива победа во „Борис Трајковски“.

Првите 20 минути ја направија пресудната разлика на паркетот, па иако амбициозниот тим од Тафталиџе одигра многу похрабро и подобро во второто полувреме, сепак не успеа да ја стопи предноста и загуби со 77:96.

На овој начин, патот на ТФТ во квалификациите завршува во четвртфиналето, додека Германците очекувано се пласираа во полуфиналето, каде ривал ќе им биде швајцарски Фрибург.

Андерсон со 27 поени беше убедливо најдобар поединец во редовите на македонскиот тим, Николов и Батрик уфрлија по 11 поени, додека во победничкиот тим, истакнат по бројот на поени беше Филиповити со 26.