Скандал во Италија У-21: Селекторот елиминира играч кој физички нападнал дефанзивец на Аталанта

Италијанската фудбалска репрезентација се подготвува за дуелите со Малта и Англија под влијание на скандалот со обложување на нелегална платформа на неколку репрезентативци, а непријатни вести денеска пристигнале и од младинскиот состав.

Федерацијата потврди дека Марко Насти е исфрлен од националниот тим и испратен дома поради дисциплински причини, а медиумите откриле се работи за малку поголем инцидент од очекуваното.

Напаѓачот на Бари влегол во физички дуел со младата ѕвезда на Аталанта, Матео Руџери и му задал силен удар со кој го повредил носот на дефанзивецот на тимот од Бергамо.

Руџери завршил со повреда на носот, но веројатно ќе биде во комбинација за настап на следниот натпревар, додека Насти добил шут карта од селекторот Кармине Нунциата.

Насти е фудбалер на Милан, кој лани играше во Козенца, а сезонава го носи дресот на второлигашот Бари.