Синер и Алкарас одиграа поен за паметење, Италијанецот ги откри причините за поразот (Видео)

Тениските фанови со нетрпение го очекуваа новото соочување на Јаник Синер и Карлос Алкарас, а нивниот полуфинален дуел на Индијан Велс ги исполни очекувањата и покрај прекинот поради лошите временски услови.

Добрите пријатели се соочија за пласман во финалето, а Алкарас со целосен пресврт се избори за победа, нанесувајќи му го првиот пораз на Италијанецот во 2024 година.

Алкарас и Синер одиграа и еден страшен поен, кој заврши во корист на Јаник, но двајцата го проследија со насмевка на лицето и на задоволство на тениската публика ширум светот.

Alcaraz and Sinner are like Nadal and Federer. No racket breaking, no gamesmanship, just exquisite tennis between two friends. The future is bright for tennis! 🇪🇸🇮🇹pic.twitter.com/QAUzcbzCy5

— Fred Meyer 🇽🇰🐝 (@FredWMeyer_) March 17, 2024

По мечот, Синер открил дека имал физички проблеми, но ривалот заслужил да победи.

– Имав мали проблеми на повеќе делови на телото, посебно ме исплаши болката во лактот, останува да видиме како ќе се чувствувам утре.

– Но, тоа не е изговор за поразот, Карлос играше подобро и заслужи да победи. Јас промашив неколку лесни удари во третиот сет, треба да анализираме со мојот тим зошто се случија такви работи, – рекол Синер кој најави дека планира да игра на Мастерсот во Мајами.

Поразот од Алкарас го спречи Синер да го преземе второто место од Шпанецот.