ПСЖ долови како изгледал последниот ден на Нејмар во Париз, поздравот со Мбапе се најде во прв план (Видео)

Нејмар стави потпис на богат договор со Ал Хилал и направи трансфер вреден околу 100 милиони евра, сума која ги задоволи водечките луѓе на ПСЖ после сето она што го доживеаја со Бразилецот во изминатите шест години.

Популарниот Неј доби пофалби од Насер Ал Келаифи на заминуавње од клубот и се раздели на навистина добар начин, а доказ за тоа е и видеото кое го објави клубот.

ПСЖ преку социјалните мрежи откри како минал последниот ден на Нејмар во Париз, а во фокусот секако се најде неговиот поздрав со Килијан Мбапе.

И покрај тоа што медиумите пишуваа за нивниот нарушен однос, на видеото се гледа како Мбапе и Нејмар се прегрнуваат, како што било случај и со сите други соиграчи од првиот тим.

За крај, Нејмар добил и шпалир од заушки од своите соиграчи, кои му посакаа се најдобро во неговата нова авантура на традиционален начин.

𝗠𝗘𝗥𝗖𝗜, @neymarjr ! ❤️💙

Un au revoir chaleureux ce matin au Campus PSG entre les Parisiens et Neymar Jr !

✨ #ObrigadoNey pic.twitter.com/LflaYq9lH0

— Paris Saint-Germain (@PSG_inside) August 17, 2023