Пети се уште не верува во Арсенал: Има голема разлика меѓу нив и Сити

Арсенал доби уште една дерби пресметка во Премиер лигатата и со тоа уште еднаш ја потврди одличната форма и го задржи првото место на табелата.

„Топчиите“ со 24 бода се на врвот во шампионатот, односно имаат еден бод повеќе од бранителот на пехарот Манчестер Сити. И покрај ваквите резултати многумина не веруваат дека избраниците на Микел Артета можат да се вмешаат во борбата за пехарот, а еден од нив е и поранешниот играч на оваа екипа Емануел Пети.

Французинот смета дека се уште разликата е голема и покрај тоа што клубот од северен Лондон делува импресивно и слави против директните ривали за Топ 4 како што се Ливерпул и Тотенхем.

-Арсенал започна многу добро, но сè уште има голема разлика меѓу нив и Сити за да ја освојат титулата. Минатата недела против Тотенхем покажаа дека толку многу се подобриле и фактот дека толку рано постигнуваат голови го покажува нивниот менталитет. и нивната мотивација.

-Не е важно против кој тим играат, тие сепак го покажуваат истиот идентитет и карактер. Беше одличен натпревар против Ливерпул бидејќи тие мораа да постигнуваат голови повторно и повторно и повторно. Сите знаевме дека Ливерпул е повреден ѕвер, но тие покажаа барем дека се уште се голем тим и имаат големи играчи. Чувствував дека требаше да биде нерешено, -порача Пети.

Следен предизвик за Арсенал е Лидс, додека Сити има тешко гостување на „Енфилд Роуд“ кај Ливерпул.