Пешевски: Го одигравме најдоброто прво полувреме во ЛШ, но потоа…

Македонскиот првак, Еурофарм Пелистер загуби од Алборг со 33:28 во 13. натпревар од групната фаза на Лигата на шампионите.

Ова за битолчани беше последен меч на домашен терен, меч на кој се бореа низ сите 60 минути, меѓутоа Алборг во моментов е на друго ниво и заслужено дојде до резултатот што го посакуваше.

-Честитки до Алборг за триумфот во оваа пеколна арена. Мислевме дека Алборг ќе потпадне на притисокот, но тоа е ѕвезден тим со многу титули зад себе има одиграно многу вакви натпревари. Покажаа дека се подобар противник. Сметам дека за разлика од другите натпревари ова беше нашето најдобро прво полувреме на домашен терен во ЛШ.

-Игравме егал во првото полувреме, а потоа отворивме лошо и кога ќе направите грешки против ваков противник е тешко да се вратите во игра. Наша задача поради овие прекрасни навивачи и да одиграме максимално и на последниот натпревар во Норвешка. Нема да се предадеме против Колстад. Пред нас е возбудлива пролет и се надеваме на нови успеси, -порача капитенот Жарко Пешевски.