„Огнено крштевање“ за МЗТ во АБА Лигата: На стартот против Црвена Звезда и Партизан

Денеска беше објавен комплетниот календар на натпревари за новата сезона во регионалната кошаркарска АБА Лига.

По неколкугодишна апстиненција од најелитното друштво во регионов, МЗТ Скопје се врати каде што припаѓа и следната година ќе има можност да се натпреварува со најсилните кошаркарски тимови од Балканот.

Кошаркарите од Аеродром ќе имаат „огнено крштевање“ во новата сезона затоа што уште на стартот ги добија најголемите фаворити за освојување на титулата и следната сезона, Црвена Звезда и Партизан.

Аеродромци почнуваат со гостување кај актуелниот шампион, Црвена Звезда, а веќе во второто коло во „Јане Сандански“ ќе бидат домаќини на Партизан.

Термините на дуелите ќе бидат дополнително објавени во следниот период.