Објавено видеото од Залевски и неговиот старт за жолт картон во 94. минута (Видео)

Скандалот со обложување на спортски натпревари донесе сериозен потрес во италијанскиот фудбал и под истрага се неколку звучни фудбалери, а од вчера стана познато дека на оваа листа е и Никола Залевски.

Младиот фудбалер на Рома им се приклучи на Тонали, Ѕаниоло и Фаџоли кои веќе даваа изјава пред полицијата, но според вестите од Апенините, Залевски отишол чекор подалеку и се обложил за натпревар на кој тој играл.

Наводно, Залевски се обложил дека ќе добие жолт картон на натпревар против Салернитана кој на крајот заврши 2:2, а на кој тој беше опоменат во 94-та минута.

Видеото од инцидентот стана вирален хит во изминатите неколку часа и лесно може да се заклучи дека Залевски намерно прави прекршок, поради кој сега може да добие и ригорозна казна.

„Ла Република“ открива дека во целиот скандал се вклучени околу 10-тина фудбалери и нивните имиња дополнително ќе бидат објавени, а доколку истите не соработуваат, може да добијат и суспензија од три години.

La discussa ammonizione di Zalewski al 94' di Roma-Salernitana, partita semi-inutile ai fini di classifica pic.twitter.com/051T2RUcuL

— Antonio Rudy Guede (@DaznForza) October 13, 2023