Нов предизвик за напаѓачот: Крстовски ќе игра за Домжале од Словенија

Поранешниот младински репрезентативец на Македонија, Марио Крстовски го реши клупското прашање и во новата сезона ќе биде дел од Домжале.

По добрата сезона сезона во прволигашот Слога од БиХ тој се избори за трансфер во Словенија, тим со кој потпиша договор до 2025 година.

-Мојата задача во Домжале е едноставна. Дојдов да постигнам гол! Така што морам да постигнувам што повеќе голови, затоа дојдов во Словенија и се надевам дека ќе бидам успешен во ова. Зени Хусмани ми кажа многу убави работи за клубот. Јас и тој се знаеме од натпреварите во Македонија. Ова помогна полеснод да се донесе одлуката. Во изминатата натпреварувачка година бев напаѓачки расположен, што значи дека дефинитивно ќе ми биде полесно да ја променам средината, да запознам нови соиграчи и барањата на стручниот штаб. Ќе дадам се од себе да ја оправдам довербата на раководството. Можам да му помогнам на тимот од првиот ден, за среќа нема повредеди, па едвај ги чекам првите предизвици во жолто, -порача Марио за кого ова ќе биде прв предизвик во оваа земја.