Милевски: Не сум задоволен од резултатот, кога ќе примиш четири гола од прекини значи не си фокусиран

Македонија го претрпе четвртиот пораз во седмиот квалификациски натпревар за пласман на Европското првенство во 2024 година.

Подобра од нас беше селекцијата на Италија која вечерва на „Олимпико“ во Рим не совлада со 5-2 и на некој начин ни се одмазди за позитивните резултати кои ги имавме со нив во претходните три дуели.

„Црвено-жолтите“ повторно покажаа одредени слабости, особено во првиот дел и сосема очекувано селекторот Благоја Милевски е разочаран од играта како и од конечниот резултат.

-Кога ќе примите четири од пет гола од прекини значи не се сте биле доволно фокусиран. Не одигравме како што замислувавме во првото полиувреме, ама по измените второто полувреме бевме подобри. Не изедначиме, се отворивме и тоа не чинеше уште два гола. Не сум задоволен од начинот на кој одигравме во првото полувреме, но и од резултатот, -истакна Милевски кој проговори и за замената на Елиф Елмас.

-Сам побара измена бидејќи падна на физички план. Се гледа дека му недостасува минутажа во клубот, се надевам дека ситуацијата ќе се промени, -рече Милевски.