Медведев го надигра Зверев и стана прв полуфиналист на Мастерсот во Торино

Дербито на денот во „црвената група“ го играа Данил Медведев и Александер Зверев, двајца тенисери кои навикнаат да играат еден против друг оваа година, бидејќи ова беше дури шеста нивна пресметка.

Рускиот тенисер уште еднаш покажа дека му одговара да игра на тврда подлога и дека уште повеќе му одговара стилот на Саша, бидејќи и покрај тесната борба, успеа да стигне до петтата победа во шестата пресметка.

Популарниот Медо славеше со 7:6 и 6:4 и како клучен се покажа тајбрејкот во кој спасуваше и две сет топки, а тоа му овозможи да дојде до скор кој го носи директно во полуфиналето.

Поради тоа што не загуби ниту еден сет, Медведев автоматски се пласираше меѓу четирите најдобри, па така стана првиот тенисер кој се пласираше во полуфиналето.

Вториот патник од оваа група ќе го дознаеме во петок, а тоа ќе биде некој од Карлос Алкарас и Александер Зверев.