Лазаров одбра за Луксембург, Кизиќ добива шанса пред Томовски

Македонската машка сениорска ракометна репрезентација се обидува да го потврди пласманот на Европското првенство во 2024 година, а тоа може да го направи на дуелите против Луксембург и Турција.

Првата средба од овој „прозорец“ ја играме утре против Луксембург, средба за која селекторот Кирил Лазаров се реши да остави двајца играчи во Скопје и тоа Мартин Томовски и Едвин Омерагиќ.

Марко Кизиќ ќе добие шанса пред Томовски, односно голманот на Еурофарм Пелистер и Никола Митревски ќе го сочинуваат нашиот тандем за утрешниот дуел закажан за 20:15 часот

На првата средба во Скопје го добивме овој ривал со 38-24 и ако се суди по тоа се освен наш триумф ќе биде голема сензација.