Италијанците пресилни за Македонија на „Олимпико“ (ВИДЕО)

Македонската фудбалска репрезентација не успеа да направи ново изненадување во пресметките со Италија и доживеа пораз од 5-2 во вечерашното соочување на „Олимпико“ во рамките на квалификациите за Европското првенство.

Италијанеците беа одлучни во тоа да не совладаат по три натпревари, цел која ја остварија и со тоа на најдобар можен начин го најавија решачкиот дуел со Украина во групата.

„Аѕурите“ клучната разлика ја направија во првиот дел во кој компелтно не надиграа, дојдоа до водство од 3-0 благодарение на головите на Дармијан и Киеза (2), а не треба да се заборави и дека Димитриевски му одбрани пенал на Жоржињо.

По паузата заигравме далеку подобро, промените на селекторот Милевски дадоа резултат и со двата погодоци на Атанасов дојдодме до 3-2.

Ама финишот одново му припадна на домаќиниот кој преку Распадори и Ел Шарави само го потврди четвртиот триумф во седмиот натпревар во Ц групата.