Фратези не стравува од Белингем: Сакам предизвик, едвај чекаме да се соочиме со него

Англија ќе ја пречека Италија во дерби натпреварот од нашата квалификациска група за пласман на Европското првенство.

Тоа е дуел кој е закажан за вторник од 20:45 часот на „Вембли“ и во истиот „гордиот албион“ ќе влезе како фаворит поради повеќе причини.

Меѓутоа Италијанците се спремни за борба, докажување и тоа јасно го говори изјавата на Давиде Фратези кој порача:

-Дали Англија е супериорна во однос на нас? Во однос на индивидуалниот талент, да, но ова е тимски спорт, -рече Фратези кој потоа говореше и за можното соочување со Џуд Белингем кој блеска за Реал Мадрид во оваа сезона.

-Заедно со Кевин Де Брујне, Белингем е најдобриот играч од средниот ред, бидејќи го комбинира квалитетот со физичката способност. Ми се допаѓа предизвикот, едвај чекаме да се соочиме со него. Мора да бидеме 100 проценти концентрирани, знаејќи дека без разлика дали играме од самиот почеток или за време на натпреварот, секогаш можеме да дадеме свој придонес, -рече фудбалерот на Интер.