Елмас: Ова се мечеви кои ни помагаат да растеме како тим

Македонија не направи ново изненадување во мечевите со Италија и загуби со 5-2 на пресметката која се одигра на „Олимпико“ во Рим.

Ние имавме лошо прво полувреме во кое му дозволивме на противникот да дојде до водство од 3-0 и потоа беше тешко да се вратиме до игра иако дојдовме до 3-2, но домаќините финишираа со нови два погодоци за потврда на триумфот кој за нив беше од огромно значање во трката за пласман на Европското првенство.

-Ние секогаш веруваме во себе на секој натпревар свесни дека можеме до позитивни работи, така беше и сега меѓутоа не одигравме според договорот во првото полувреме. Сепак ова се натпревари кои секогаш ни помагаат во нашиот раст како тим.

-Знаевме дека Италијанците ќе тргнат силовито, но ние уште повеќе ги засиливме затоа што остававме многу простор во првиот дел. По паузата беше далеку подобро, се виде дека може да играме како што треба и тоа треба да ни е слика за следните натпревари, -истакна Елиф Елмас.

Сега за нашата селекција следи пресметката со Англија на националната арена „Тодор Проески“ во Скопје.