Андоновски и Американките на фуриозен начин го отворија новиот мундијал (Видео)

Женската фудбалска репрезентација на САД влегува како голем фаворит на уште еден фудбалски мундијал, а тоа го потврди и во воведниот меч кој го одигра рано утрово.

Светското првенство кое се игра во Австралија и Нов Зеланд е прво во женска конкуренција кое се игра во две земји, со тоа што бранителките на последните две титули го започнаа својот нов шампионски поход во Оукленд.

Америка без проблеми славеше над Виетнам со 3:0 и стартуваше онака како што замислуваше, што секако е добра вест за македонскиот фудбалски стручњак кој е селектор на овој тим.

Влатко Андоновски повторно го води американскиот тим и ќе мора да се носи со притисокот на апсолутен фаворит, а воведниот меч сигурно остави добри импресии.

Американките постигнаа два гола преку Смит во првиот дел во кој не реализираа и пенал, додека конечните 3:0 ги постави Хоран во 77-та минута. Следи предизвици за Андоновски и неговите избранички се селекциите на Холандија и Португалија.